طريقه سهله لتقليل درجه حراره العبنر 5-8 درجات

السلام عليكم ورحمه الله وبركاته

نظرا للجو الرهيب اللى احنا فيه اليومين دول من حر وارتفاع فى الرطوبه فكان لازم
كل واحد يفكر فى طريقه يكسر بيها الحر شويه داخل العنبر ولغلو اسعار اجهزه التكيف الصحراوى
والخلايا فكان لازم البحث عن بديل بلدى فكانت الفكره دى
والفكره دى سهله وبسيطه
جدا وتكلفتها ان شاء الله بسيطه جدا وهى مجربه بالفعل فى عنبر صغير حاليا 120 م
وجارى تطبيقها على مساحه اكبر الضعف تقريبا .
https://www.facebook.com/allsallamForfoodpackagingandpoultryfattening

اولا لازم نكون على درايه ان الصيف لا يتحمل الزياده فى العدد
بمعنى اننا لو قدرنا نحط 6-7 فى المتر ده حيبقى تمام وهو المطلوب
وله اهميه كبيره فى ان الطير يأخد راحته فى المكان ويكون نسبه
الاوكسجين اللى فى المكان مناسبه للطير .
يبقى اول طريقه للتفادى النافق من الحر تقليل العدد فى الصيف
وبكده الطير يقدر يتحرك فى مساحه اوسع ويأخد كفايه من العلف
والاكسجين .
ونرجع لتقليل الحراره فى جو العنبر :
الطريقه دى بتكسر الحراره من 5- 8 درجات تقريبا
بمعنى ان الحراره لو خارج العنبر 40 المفترض انها تكون 35 داخل العنبر
ومع الطريقه اللى حنفذها بتقل لـ 30- 27 درجه
ويفضل استخدمها من بعد عمر 15 يوم للطير
مبدئيا المساحه اللى طبق عليها الطريقه دى بالضبط

https://www.facebook.com/allsallamForfoodpackagingandpoultryfattening
طول 12 م
عرض 10 م
والطريقه كالتالى
نأخد جنبين من العنبر اللى هما اكبر جنبين
ونقيس المسافه من اول العرضه ونقسمها على 4 شفاطات فى كل جنب
بس مش حيشتغل شفاط
حيشتغل مروحه يعنى حيكون سحبه من يره لجوه
بمعنى حيكون فيه 8 شفاطات سحب من الخارج ده متعلق بمستوى الشباك
وحيكون فيه 4 شفاطات على ارتفاع 50 سم من ارضيه العنبر ده طرد لخارج العنبر
وهنا نبدء العمل على المراوح
حنجيب خيش بس يكون سميك ونعمله ستاره من داخل العنبر بطول العرضتين ومع مستوى المراوح
ونثبته كويس جدا امام المراوح .
https://www.facebook.com/allsallamForfoodpackagingandpoultryfattening
وبعدين نحط ماسوره مياه فوق الخيش وتكون متخرمه على الخيش مباشره
بحيث يكون التنقيط على الخيش مباشره والماسوره دى متوصله بحوض مياه حجمه مناسب
وبه ماتور صغير لضخ المياه فى المواسير .
وهنا فيه مياه حتنقط من الخيش حيكون فيه مجرى للمياه من اول الخيش للاخره متوصل
للحوض يعنى المياه حتكمل دوره كامله من بدايه خروجها من الحوض وسيرها فى المواسير
ونزولها على الخيش ثم المجرى والعوده مره اخرى للحوض .
وعشان نضمن درجه حراره مياه الحوض تبقى مناسبه للتبريد بنحط ثلج كل نصف ساعه
فى مياه الحوض .
وبكده الخيش مبلل بالماء البارد ومع الهواء المدفوع من خارج العنبر والتقاءه بالماء البارد
بيدى نسمه هوا رطبه داخل العنبر .
وطبعا انت ممكن تخلى كل العوارض بالعنبر مكسيه بستاره الخيش وده بيساعد اكثر على هبوط
درجه الحراره.
التكلفه الفعليه كانت حوالى 2500 ج للفكره دى وشغاله الحمد لله تمام
هنا انت لازم تحاول تجيب شفاطات سلك الموتور نحاس عشان الشغل والضغط ومش شرط
3 فاز .
https://www.facebook.com/allsallamForfoodpackagingandpoultryfattening

خلى بالك ان الشفاط اللى تحت مهم جدا عشان نسبه الامونيا فى العنبر
وكمان اوعى تصهين على الحراره لازم تتباعها بالترمومتر .
ولو كان عندك مولد كده يبقى الشغل تمام فى حاله انقطاع الكهرباء وهو
عموما الحمد لله الموضوع بيعدى بخير فى قصه قطع الكهرباء لانه مبيزيدش
عن ساعه .
لو نفذت واستفدت متنشناش بالدعاء







محمد على سلام